Benedictus Dòminus Deus Israel: + quia visitàvit et fecit redemptiònem plebis suae.

Et erèxit cornu salùtis nobis, + in domo David puèri sui.

Sicut locùtus est per os sanctorum, + qui a saeculo sunt, prophetàrum ejus.

Salùtem ex inimìcis nostris, + et de manu òmnium, qui odèrunt nos.

Ad faciendam misericòrdiam cum pàtribus nostris: + et memoràri testamènti sui sancti.

Iusjuràndum, quod juràvit ad Adraham, patrem nostrum, + datùrum se nobis.

Ut sine timòre de manu inimicòrum nostròrum liberàti, + serviàmus illi.

In sanctitàte et justìtia coram ipso, + òmnibus dièbus nostris.

Et tu, puer, Prophèta Altissimi vocàberis: + praeibis enim ante faciem Dòmini paràre vias eius.

Ad dàndam scièntiam salùtis plebi ejus, + in remissiònem peccatòrum eòrum.

Per viscera misericòrdiae Dei nostri: + in quibus visitàvit nos, òriens ex alto.

Illuminàre his, qui in tènebris et in umbra mortis sedent: + ad dirigèndos pedes nostros in viam pacis.

Gloria etc.